DASARAN

Dasaran կրթական ծրագիրը կրկին համախմբել էր Երևանի և մարզերի մանկավարժներին… Նոր ձևաչափ, արդիական հիմնահարցեր ու թարմ գաղափարներ… ահա այս էր Dasaran-յան թիմի և Երևանի ու ՀՀ 6 մարզերի հանրակրթական դպրոցներում դասավանդող 150 մանկավարժների հանդիպման առանցքում, որը կայացավ Հայաստանի ամերիկյան համալսարանի Ալեք և Մարի Մանուկեան սրահում դեկտեմբերի մեկին: Մանկավարժների կողմից արդեն իսկ շատ սիրված ԹԱՐՄ OUT յուրօրինակ աշխատանքային սեմինարի ամփոփիչ հանդիպմանը համակողմանիորեն անդրադարձ կատարվեց կրթության ոլորտի հիմնահարցերին, երեխաների իրավունքների պաշտպանության ոլորտին, ներառական կրթությանն ու աշակերտների սոցիալ-հոգեբանական զարգացման առանձնահատկություններին: Մեր դպրոցից սեմինարին մասնակցում էին տնօրեն՝ Պ.Ղազարյանը, ուսուցիչներ՝ Ն․ Ջանոյանը և Մ․ Արեյանը։

Ծնողական խորհրդի համադպրոցական ժողով

Ս/թ նոյեմբերի 8-ին տնօրինության նախաձեռնությամբ կայացավ 1-12-րդ դասարանների ծնողական խորհրդի համադպրոցական ժողով,որտեղ քննարկվեցին ուսումնական և կազմակերպչական հարցեր:
Առանձնահատուկ ուշադրության արժանացան 9-րդ և 12-րդ դասարանների քննական կարգերը և ՀՀ մշակույթի և ՀՀ կրթության և գիտության նախարարությունների, Dasaran կրթական ծրագրի համագործակցության արդյունքում ստեղծված Դպրոցական աբոնեմենտային համակարգը՝ նախատեսված պետական հանրակրթական դպրոցների 1-ից 12-րդ դասարանների աշակերտների և ուսուցիչների համար:
Տնօրեն Պ.Ղազարյանը իր խոսքում հավելեց, որ ծնող-դպրոց համատեղ աշխատանքի արդյունքում ուսումնական գործընթացի արդյունքները առավել արդյունավետ կլինեն և հորդորեց ծնողներին համագործակցել ուսուցիչների հետ, կազմակերպել ու ապահովել Դպրոցական աբոնեմենտային համակարգի իրագործումը, որպեսզի յուրաքանչյուր աշակերտ ուսումնական տարվա ընթացքում կարողանա անվճար այցելել թանգարան և օգտվել ընձեռնված հնարավորությունից:

Համապետական շաբաթօրյակ

Ս/թ. հոկտեմբերի 27-ին Քասախի Ա.Հովհաննիսյանի անվան N2 միջնակարգ դպրոցն իր ողջ կազմով եռանդուն ու համախմբված մասնակցեց համապետական շաբաթօրյակին ,որի շրջանակներում մաքրվեցին , և պատշաճ տեսքի բերվեցին դպրոցի բակն ու բակամերձ հատվածները:

ՄԵՂՈՒ

Ս/թ հոկտեմբերի 25-ին Քասախի Ա.Հովհաննիսյանի անվան N2 դպրոցում անցկացվեց «Մեղու.հայերենը բոլորի համար» մրցույթը,որին մասնակցում էին 3-12-րդ դասարանի աշակերտները:

Մրցույթը թեստային է: Թեստերը կազմված են գլխավորապես հայոց լեզու առարկային վերաբերող հարցերից, սակայն կարող են ընդգրկել նաև գրականությունից այնպիսի հարցեր, որոնք ունեն լեզվամտածողական ու լեզվագիտական ուղղվածություն և չեն պահանջում գրական որոշակի գործի իմացություն:
Հիշեցնենք, որ «Մեղու» մրցույթի նպատակն է համընդհանուր հետաքրքրություն առաջացնել հայոց լեզու առարկայի հանդեպ, այն առավել գրավիչ ու սիրելի դարձնել երեխաների համար, նորովի մատուցել հայոց լեզուն՝ ցույց տալով նրա ողջ հմայքն ու գեղեցկությունը, և զարգացնել երեխաների լեզվամտածողական ու լեզվագիտական ունակությունները:

ՈՒՍՈՒՑՉԻ ՏՈՆ

Սիրելի՛ուսուցիչներ,ընդունեք մեր ջերմ շնորհավորանքներն ու լավագույն մաղթանքները մասնագիտական տոնի` Ուսուցչի օրվա կապակցությամբ:
Մեր ժողովուրդն իր դարավոր պատմության ընթացքում առանձնակի սիրով ու գնահատանքով է վերաբերվել ուսուցչին՝ հասարակական կյանքում նրան վերապահելով ամենապատվավոր ու հարգալից տեղը։
Ավելին, յուրաքանչյուր հայի համար ուսուցիչ և ծնող բառերը շատ հաճախ նույնացվում են։
Իսկապես, անչափ մեծ է ձեր վաստակը սերունդների կրթության ու դաստիարակության պատասխանատու գործում։ Լինելով ազգային արժեհամակարգի ձևավորողը` դուք միաժամանակ դառնում եք տվյալ համակարգի կարևոր հիմնասյունը:
Մեր երկրի հզորացման ու ազգային իղձերի իրականացման գործում հավասարաչափ կարևոր է ձեզնից յուրաքանչյուրի աշխատանքը։ Ձեր անձնական օրինակով ու նվիրումով է ձևավորվում մեր երկրի արժանի քաղաքացու նկարագիրը:
Մեկ անգամ ևս շնորհավորելով մասնագիտական տոնի` ուսուցչի օրվա կապակցությամբ, բոլորիդ մաղթում ենք նորանոր հաջողություններ ձեր անչափ կարևոր և պատասխանատու գործում:

На данном изображении может находиться: растение и цветок

ՀԱՄԱԴՊՐՈՑԱԿԱՆ ԾՆՈՂԱԿԱՆ ԺՈՂՈՎ

Ս/թ սեպտեմբերի 19-ին տեղի ունեցավ համադպրոցական ծնողական ժողով`մասնակցությամբ 1-12-րդ դասարանների աշակերտների ծնողների:
Ժողովի ընթացքում քննարկվեցին 2018-2019 ուսումնական տարվա համադպրոցական ուսումնադաստիարակչական կատարվելիք աշխատանքների,դպրոցի ներքին կարգապահական կանոնների,սովորողների արտադասարանական և արտադպրոցական աշխատանքների հետ կապված բազմաթիվ հարցեր

ՀԱՄԱԴՊՐՈՑԱԿԱՆ ԱՇԱԿԵՐՏԱԿԱՆ ԺՈՂՈՎ

Ս/թ սեպտեմբերի 18-ին տեղի ունեցավ համադպրոցական աշակերտական ժողով`մասնակցությամբ 6-12-րդ դասարանների աշակերտների:
Ժողովի ընթացքում քննարկվեցին նախորդ տարվա կատարված և չկատարված աշխատանքները,աշակերտների վարքի կուլտուրայի,արտաքին տեսքի,հաճախումների և ուշացումների հետ կապված բազմաթիվ հարցեր,ինչպես նաև աշակերտներին հնարավորություն տրվեց արտահայտելու կարծիքներ քննարկվող հարցերի վերաբերյալ և տալ իրենց հուզող հարցերը,որոնց տրվեց սպառիչ պատասխան:

Մաքուր մոլորակ

Հայաստանում շաբաթօրյակներն արդեն դարձել են հաճախակի և կրում են ավանդական բնույթ: Սույն թվականի սեպտեմբերի 15-ին կազմակերպված <<Մաքուր մոլորակ>> միջոցառումից անմասն չմնաց նաև Քասախի թիվ 2 միջնակարգ դպրոցը:
Վաղ առավոտից իրականացվեցին դպրոցի բակի ,հարակից տարածքների մաքրման ,կանաչապատ տարածքների բարեկարգման աշխատանքներ,որն իրականացվեց ուսուցչական անձնակազմի և աշակերտների միահամուռ ուժերով:

ՀԱՄԱՊԵՏԱԿԱՆ ՇԱԲԱԹՕՐՅԱԿ

Ս/թ սեպտեմբերի 8-ին մեկնարկած համապետական շաբաթօրյակին իրենց ակտիվ մասնակցությունն ունեցան նաև Քասախի Ա. Հովհաննիսյանի անվան N2 միջնակարգ դպրոցի աշակերտական համակազմն ու ողջ անձնակազմը:
Մասնակիցները մեծ խանդավառությամբ մաքրեցին և բարեկարգեցին դպրոցի բակը , հարակից տարածքները,ինչպես նաև կանաչապատ այգին`բարձր գնահատելով բնության դերն իրենց կյանքում: